Wir verwenden Cookies, um die Benutzerfreundlichkeit dieser Webseite zu erhöhen (mehr Informationen).

Prof. Dr. Werner Gitt

АжвгIванд сшпахъалуаш?

Die grundlegende Frage, die suchende Menschen sich stellen, wird hier von Prof. Dr. Werner Gitt beantwortet. "Wie findet man den Himmel?" Auf jeden Fall nicht durch eigene Anstrengungen oder Konzepte. "Was aber bringt uns wirklich in den Himmel?" Gott hat die Einladungen für den Himmel schon verteilt wie im Gleichnis des Menschen, der zu einem großen Fest Einladungen verschickte. Doch viele Menschen redeten sich heraus.

Prof. Dr. Gitt ruft dazu auf, nicht so "kurzsichtig" wie diese Leute zu sein. Jesus will uns vor der Hölle erretten und diese wird kein Vergleich zu der sogenannten "Hölle von Auschwitz" sein. Er hat am Kreuz für unsere Schuld bezahlt, wir müssen diese Einladung nur annehmen, dann ist ein Platz im Himmel "gebucht". Ein Entscheidungsgebet soll den Lesern dabei helfen.

Dieses Traktat eignet sich besonders gut zur Weitergabe an suchende Menschen!

8 Seiten, Best.-Nr. 120-68

Dieses Traktat steht derzeit nur als Download zur Verfügung. Ab einer Bestellmenge von 1.000 Stück geben wir es für Sie gern in den Druck. Bitte wenden Sie sich an uns! / This tract is currently only available as a download. But we will gladly go to print for an order of 1,000 or more. Please contact us!


АжвгIванд сшпахъалуаш?

АуагIа ащардагIв апсра йазхъвыцыргьи, йцIыхъватшчIварам, цIхъва змам абзазара йгьазхъвыцуам; йгьгIаргвынгIвуам рхъвади анпсра йцIыхъватшчIвадару абзазара шрызпшуа – йа ажвгIванд апны Анчва йыдзхъа йа джьахIанам апны цIхъва змам апсра. Америка йауу аактриса Дрю Беримор быжьсквша ахIа дыртамкIва афильм «АгIвыма планета йауу» апны дгIахъвмарын, зымгIва дырдыруа дйачIвахатI. 28-сквша анылхъыцI, (лара асквш I975 адуней дгIаквылтI) араса йылхIватI: «Сцгвы апхъа спсуазтын, схъвади ауи йашврыф. Йамуазтынгьи ацгвы ауацIа стата сбзазалапI.» Йгьгвасрамма, йгьгвымхама апсра ауыс апны ари ахIа гIаугвнымгIвуа, ари ахIа уазымхъвыцуа?

Иисус йзаман агIан, Ауи уагIа щардагIв йызгIайлун. АйхIарагIв уыста йызрымаз адуней бзазара йацрахIван:

  • апхтра йнанауахвыз ажвагIв бзихарныс ртахъын (Лук. I7:I3);
  • алашвква рылаква йырбахныс ртахъын (Мат. 9:27);
  • азаджвгьи ачIен агIвшара апны цхърагIара йтахъын (Лук. I2:I3-I4);
  • афарисейква азцIгIара къвыш рымата йызгIайуан: акесарь къвады йыртуашма йыгьйырымтуашма? (Мат. 22:I7).

МачIыгIвкIгьи, ажвгIванд йшхъалуаш ддырдырра ртахъыта, Иисус йызгIайуан. ЧкIвыншIакIгьи Иисус дизыпшгIун, азцIгIаракI йыйтра йтахъыта: «ЧIахI ду зкву арыпхьагIв! ЙачIвыйа йсчпара атахъу ажвгIванд схъалра ахъаз?» (Лук. I8:I8). Иисусгьи ачкIвын йыму, йзаргвану зымгIва йтиуазтын, йара дшизаргванхушыз, дйыцыл йшауашыз йайхIвтI. Ауаса ачкIвын швабыж дбайан, йбайара далцIныс гьйымуытI, ари йгIанакIуаз закIын – йцIыхъватшчIвадару абзазара гьйымуытI. АзджьакIгьи ажвгIванд апны йцIыхъватшчIвадару абзазара йгьазымпшгIузтI, ауаса Иисус йанйынйа амщтахь, зымгIва гIаргвынгIвын, Ауи тшйыдыркIылтI. ЙгIауахвырквын, Закхей Иисус дибагIвацара йтахъын, ауаса йтахъыз айхIа гIайхъахIатI – Иисус Закхей йпны дсасуата чай шрыжвуазымца – ажвгIанд амгIаны гIайгвынгIвытI. Иисусгьи арии йхIватI: «УахьчIва йнанаркIын, ари атдзы гIахчахатI». (Лук. I9:9).

ЦIхъва змам абзазара шпагIауауаш?

Хъахьыла хIызлачважваз йгIхIгвыннаргIвитI:

  • АжвгIванд ПаштахIыгIва агIвычIвгIвыс йалкIгIу мышкIы йгIайауитI. Шваргьи, хвы зму апхьагIвчва, йыжвдырра атахъыпI, уахьчIва акIвызтынгьи Анчва швйыдкIылата йцIыхъватшчIвару абзазара шшвызгIауаш.
  • АжвгIванд ПаштахIыгIва агIаура йалкIгIата хачIвборчкIгьи, хъвдаквыракIгьи йгьырцрахIвам;
  • АжвгIванд ПаштахIыгIва агIаура йалкIгIата тшазрыхIазырракIгьи гьатахъым.

ЦIхъва змам абзазара азыпшгIара апны Анчва Йажва хIазымдзыргIврыквын - хIара хIлыхраква, хIтахъыраква закIгьи йгьашIысым. Аэстрада уарадхIвагIвкI аджьагIафа йзынарху уарадкI апны йылрыбагъьун: «ари ажвгIванд дхъалуаштI, йанакIвызлакIгьи ауагIа йыргвыргъьитI, йырхъыччитI» - хIва. ПхIвыс байакI ауагIа рцхърагIарала фонд лыман, ауи пхIвыс рыцхIата 20-гIвы гIвнашвауата пхьарта лыргылтI, ахчадъа йшбзазушыз, ауаса ауат ансимшы апшвыма лпсы шгIахчахушызла сахIаткI Анчва йыхIвара атахъын.

АжвгIванд хIшпахъалуаш?

Ари азцIгIара джьауап айтуата Иисус хабаркI йхIвалун (Лук. I4:I6): ГIвычIвгIвыскI (ахабар апны ауи Анчва йакIвта йгIанайыркIитI) хъвмарра дукI йчпушта йаквикIтI (ахабар апны ажвгIванд гIанайыркIитI), уагIа щардагьи гIазшIиттI. Ауаса йащтагIайуата йгIаншаз джьащахъвапI. ЙгIазшIитыз зымгIва, заджвы далымшвтуата, аджв аджв диуыхIвтагылата ахъвмарра йгIайныс гьрымуытI: «Йайчважвазшва тшахънадыргауа йалагатI.

Йапхъахауа: адгьылкI схвгIан…
ЙгIвыджьхауа: чвыта жваба схвгIан…
ЙхыгIвхауа: пхIыс дгIазгын сгьызнайуам».

Иисусгьи ахабар йызшIызтуаз йажвала далгитI: «Са швара йшвасхIвит, арат йгIазшIыстыз заджвгьи сфачIвы гьишIашвушым» (Лук. I4:24).

Ари йгIанакIитI, АжвгIанд ПаштахIыгIва йгьи йуызгIауитI, ауаса йучвыдзгьи йауаштI. Йхъадата йалитI – уанызшIырт уцама, момкIва угьымцама. Ари ацкIыс майра кIара аъумищтI? ЙгьгIаншарым! Знымзара зны хIыуа ащардагIв АжвгIанд ПаштахIыгIва йнамшылырквын йшвхIаусыгIахуш йшнашылуаш рымдыруата гьакIвым, йандрайгва йъамцаз акIвпI.

Ахабар йалу ахыгIв хIыхъаз йшвапхахара гьатахъым, йауа ухIварыквын рыуа заджвгьи ахъвмарра данызшIыртуаз дгьымцатI! Ауаса, ахъвмарра акIвшатI! Ауат анйызгIами, ахъвмарра зчпуз агIвычIвгIвыс рхъатала йгIазшIыйымтуата ахъаз ажвала зымгIва гIайрайгвауа далагатI: «ШвгIайгва!» ЙгIайгвалакIгьи ахъвмарра апны йара йзалху чIварта йыман. ЙгIаншайа щта? АуагIа гIайуан. ЩардагIвыта йгIайуан. ГIамта тIакIв анагIвс, апшвыма дгIапшын, чIварта щарда аъаркIвапI! Йычрын йайхIвтI: «Уцата ужвыгьи йшгIайуаш рахIв…»

Ари ахабар швабыж бзита уыжв хIзаман гIаунарбитI. АжвгIванд апны чIварта щарда аъаркIвапI, Анчвагьи йгIахIызшIититI: «УгIайта ажвгIванд апны учIварта кIы. Ууасаражвха, ацIыхъватшчIварадара апны учIварта кIы! Ари уахьчIва йчпа!»

АжвгIванд йузымхIвушта йпшдзапI, ауи акIвпI Иисус ажвгIванд ахъвмарра ду йзашIйырпшуа. Акорфинянква йапхъахауата йрзищтийыз агIвыра 2:9 апны ажвгIванд ахъаз араса йаныпI: «Заджв йылагьи йгьамбастI, лымхIакIгьи йгьамгIастI, гIвычIвгIвыскIгьи йгвы йыгьгIатамшвастI, Анчва бзи дызбаквауа йырзирахIазырыз». Адуней ахъахь ажвгIванд мачIдзакI йашIуырпшуаш закIгьи гьыквым. Ауаъа йузымхIвушта йпшдзап! АжвгIванд ахв ауи аъара йдупIта, йгIаншалакIгьи ауаъа ацара агIвхIщтта амаль гьаъам.

Анчва Йпа, Иисус ажвгIванд ашв хIзыгIайтIтI, Ауи йхIатырла хIара ажвгIванд ацара швабыжта йхIзымайрахатI. Ужвы зымгIва знапIыцIу хIара хIтахъыраква ракIвпI. Ахабар йалу ауат ахыгIв рапш згвы зпсы хъара йымпшуа ракIвпI, ауаъа анашылра зымуа.

АгIахчара знапIыцIу Иисус Христос йакIвпI.

Аапостолква Рхараква акьтап (2:2I) апны магIан ду зму ажваква хIрынйитI: «ДзачIвызлакIгьи, Анчва (Иисус) дгIазшIызтуа дгIахчахуштI.» Ари Ауасйат ШIыц апны йгIалкIькIьуа рыбагъьарата йалапI. Аапостол Павел Филиппы къала апны атутанакътара дантачIваз, акъалагIвыр дйачважвауата йажва араса далгатI: «Анчва Иисус Христос йызхъацIата, ухъагьи утдзы шабгуги гIахчахуштI» (Деян.I6:3I). Ари ажванахъа ахвыцри, ахъарысри урымпшуата, агIвычIвгIвыс йбзазара швабыжта йазыпсахуаштI. Йара ауи ауахъ акъалагIвыр йбзазаща дайгIваджьын Иисус тшизынайырхатI.

Араъа ужвыгьи амаль амамкIва йгIдырра атахъу аъащакI хIанйитI: Иисус джьахIанам апсра амгIва хIгIаквидара йтахъыпI. А-Библия йшахIвауала ажвгIванд апынгьи, джьахIанам апынгьи ауагIа цIыхъватшчIвара амамкIва йаъазлуштI (йбзазуштI). Азджьара аъазара джьащахъвапI, азджьара – учвапсаква арыкIьазызитI. Йхпахауа аъартакIгьи гьхIымам. Апсра амщтахь хвдакъикъакIла заджвзаджвыкIгьи уанпсра закIгьи гьаъахым гьизыхIвахуашым. Уыста йаъу зымгIа Иисус Христос йпны йахъвдаквыцIитI. АцIыхъвашIчIвадара апны хIаъазлара знапIыцIу Иисус заджвыкI йакIвпI, Ауии хIари хIазазаъащаква ракIвпI!

ЗныкI Польша апны лекцияквакI срыпхьауа саъан, ауаъа аконцлагерь Освенцим хIцатI. Йхпахауа арейх агIан араъа учвапсаква зрыкIьазызуа агIаншараква акIвшун. Асквш I942 йгIашIарышвта асквш I944-дза араъа уагIата мильуанкIи бжакIи гIвазла йырхъваратI, йырблытI, йалкIгIата аджьутква. Алитература ажвата йгIалахат «Освенцим аджьахIанам.» Ари ажва ахъа йгIалахаз сазхъвыцуан агIвазла зныла цышвыгIв ъатархъваруз акамера саныгIвнагылаз. Ари уыла йгьуызгIацIажьуам, арии гвасрадупI. Ауаса арии джьахIанамдзазма?

ХIара хIэкскурсия гвып арат агIваз камераква йрзыпшуан, йауа ухIварыквын араъа заджвгьи дгьтархъварахуам, джьабагIа гьидырбахуам. Ари ахабзамыгIвхъвгара асквш I945 йшIырчIватI. Освенцим агIваз джьахIанам агIамта апны цIхъва аман, а-Библия гIазквчважвауа аджьахIанам цIхъва гьамам.

Освенцим амузей абльын апны аджьуар аныта сыла наквшватI. Ари атутанакътара йтакIыз аджвы чIвымыгъла абльын апны дзайгвгъуз йгъьгъьан йаницIатI. Ари аджьуар анызцIазгьи ащардагIв драпшта агIваз камера дтадзтI, ауаса ауи АгIахчагIвы Иисус йгвы дтан. Ари учвапсаква зрыкIьазызуа апны дтадзызтынгьи, ауи ажвгIванд амгIва йзыхътIпI. Ауасйат ШIыц апны (йгIуахв., Мат. 7:I3; 5:29-30; I8:8), Иисус Христос хIызчвихчауа аджьахIанам агIвычIвгIыс закIгьи йгьихънагушым, дгьачвнахчушым. ДжьахIанам Освенцим йгIавкухырквын цIхъватшчIвара амамкIва «йынхитI», ахъаз утал тIакIв уапшыта угьзгIатыцIхуам.

АжвгIвандгьи цIхъватшчIвадарапI. Ари Анчва хIигарныс ъайтахъу акIвпI. Ауи акIвпIта, Анчва шванирайгвара швйызца. Анчва Йыхьыз гIазшIышвтта, йгIашвшвыргвалашвата ажвгIванд апны чIварта швкIы!

Зны лекциякI амщтахь пхIвыскI лгвы акъвпуа дгIасцIгIатI: «АцIыхъватшчIвадара апны пасата чIварта узыкIуашма? Ари ауыс ахъыкIвшара, аныкъвара бюро гIаснаргвалашвитI!» Саргьи ауи йлыцскIтI: «Пасата чIварта зымкIуа ймурад гьгIайдахIвуашым. Гавай адзыгIвбжьаква рпны бцара бтахъызтын билет бымазара атахъыпI». АпхIвыс датагIасцIгIахтI: «Щта абилет ахча азутира атахъыпIщтIи?!» - «О, щта, ажвгIанд уызлацуш абилет ахъазгьи! Ауаса ауи абилет ауи аъара йтлапIапIта, хIыуа заджвгьи ауи ахв гьизышвушым. Ауи йапырасуа хIыгвынахIква ракIвпI. Анчва ЙпаштахIыгIва апны гвнахIкIгьи йба дгьауам. Ари абзазара амщтахь Анчва йцIыхъватшчIвадара апны йаъазара зтахъу йапхъахауата йыгвнахIква йшвара атахъыпI. УыгвынахIква узыршвауа гвынахI змам Иисус Христос йакIвпI. Ауи азаджв йакIвпI хIыззыгахчуш! Ауи хIгIахчара а-Джьуар апны йщала хвы азитихьатI, данырщуаз агIан.»

Щта йачIвыйа ужвы йсчпара атахъу ажвгIванд апны йцIыхъватшчIвадару абзазара гIасаура ахъаз? Анчва дасузлакIгьи тшхIзыгIанайыхитIта АгIахчара хIазирайгвитI. А-Библия апны щардазджьара Анчва йызшIытра хIшапылуаш гIахIнарбитI:

  • «ТшшврыхIазыр агвашв тшвала швнашылныс» (Лук.I3:24).
  • «ШвайгIваджь, йауа ухIварыквын, АжвгIванд Пашта­хIыгIва гIаргванхатI» (Мат. 4:I7).
  • «Агвашв тшвала швнашыл; йауа ухIварыквын, адзра уазызырцауа агвашвгьи амгIвагьи тыбгIапI, щардагIвы дара-дара ауыла йцитI; йауа ухIварыквын, абзазара уазызырцауа амгIвагьи агвашвгьи тшвапI, ауат зызгIауагьи мачIпI» (Мат. 7:I3-I4).
  • «УыззыгIаршаз ацIыхъватшчIвадара бзазара тшадкIыл» (IТим. 6:I2).
  • «Анчва Иисус Христос йызхъацIата угIахчахуштI…» (Деян.I6:3I).

Арат зымгIва швабыж йхъаунарцIауата, йарыбагъьауата хIа хIызшIыртитI. Арат алкIгIараква рпны хъвмарракIгьи аламкIва, багъьата, йащтацауата, датша зны йазыщтIацIа йамуашта Анчва йызшIытра хIахIвура хIазнарцитI, хIахIварагьи, йгIауахвырквын, ари акIвпI йшбжьыргуш:

«Анчва Иисус, ужвы йъагIадзаз Уара уаъамызшва сбзазатI. Ауаса уахьчIва Уара уыздырын ахIварала тшнаузынасырхитI. Ужвы джанатгьи джьахIанамгьи шаъу здыритI. Са Уара снауыхIвитI джьахIанам сачвухчаныс, сыгвынахIкви Уара йъауызхъасымцIузи джьахIанампI йсквнадыргауа. Ужвы тахъырата йсыму закIыпI – знымзара-зны Уара уыдзхъа АжвгIванд апны саъазланыс. Са йыздыритI, бзирата йсчпалакIгьи, уыс бзита йсхалакIгьи АжвгIванд апны Уара уыдзхъа чIварта гьсзыркIуашым, АжвгIванд амгIва сзыгIахъызтIуаш Уара уызхъацIара заджвыкI акIвпI. Йауа ухIварыквын, Уара са бзи субитI, Уара са сыхъаз а-Джьуар апны тшдуырщытI, сыгвынахIква зымгIва науахвын Уара упсрала са сгIапшцIугатI. Ауи ахъаз са уара сузыразпI. Уара са сыгвынахIква зымгIва удыритI - сангIанша уалагата уахьчIвадза. Съадзабзазауа гвынахIта йсчпаз зымгIва удыритI: са йыздырквауагьи, са йсхъаштыхквазгьи. Уара са йспщылу зымгIва удыритI. Уара сгвы аъащаква зымгIва удыритI – гвыргъьаразтынгьи гвасразтынгьи, сгвы чIвазтынгьи, сгвы кIахIазтынгьи. Уара упахь са йхътIу акьтап сапшпI. Са ужвы сшаъула, уыжвгIандзара сшбзазазла, Уари псы зхъу Анчви сгьызнашвпырагылуашым, АжвгIванд сгьызнахъалуашым. Ауи ахъазла Уара снауыхIвитI: сыгвынахIква зымгIва сызуыргIваныс, сара сыгвынахIква гвыхътIыла срайгIваджьитI. Ужвы йнанаркIыта са Уара унашва схъуцIарныс унасахвитI. Сара сбзазара Уара умчхъара йазхъасцIитI. Са Уара йшутахъу апшта сбзазарныс стахъыпI. СуыхIвахитI, угIасцхърагIата Уара уыдзхъа саъазара йгIапырасуа аъащаква зымгIва нсрых. Уара йатахъу ащцараква гIасылацIа. Уара уажва - а-Библия ацIабырг сзыгIахътI. А-Библияла йгIасаухIвуа ажва гIасгвынгIврала угIасцхърагIа, ауыла абзазара къару шIыцква, абзазара айгвыргъьара шгIасауашла угIасцхърагIа. Ари йнашIарышвта Уара са УСЫНЧВАПI, Уара сушIызлара стахъыпI, Уара суцIыхъвагылагIвхара стахъыпI. СуыхIвитI, ужвы сызлацуш амгIва гIасуырбанысла. Са Уара сузыразпI сбжьы ъаугIаз ахъаз. Са Уара уажва йазхъасцIитI, уажва йгIацIанакIитI – са Уара тшаннаузынасырха Анчва сисабихатI, знымзара-зны ццIыхъватшчIварадъа АжвгIванд апны Уара уыдзхъа саъазлуштI. Ужвы йнанаркIыта абзазара баргвыраква рпны, йгIаншалакIгьи лахъвгIахъасрипхьадза Уара са сыдзхъа уъанызлуш са сыхъаз насып дупI, гвыргъьарадупI. СуыхIвитI, угIасцхърагIата гвыхътIыла Уара йуызхъазцIауа, а-Библияла йбзазауа уагIа гвып гIасрау, йанакIвызлакIгьи Анчва Йажва шызгIалуш апш. Аминь».

Апрофессор, атехника наукаква

рдоктор Вернер Гитт